ഇ ഡി ആക്രമണം; SFI നേതാവ് പിടിയിൽ; ആദർശ് പിടിയിലായത് ചെന്നൈ വിമാനത്താവളത്തിൽ വച്ച്

തിരുവനന്തപുരത്ത് ഇ ഡി ഉദ്യോഗസ്ഥരെ ആക്രമിച്ച കേസിൽ ഒരു പ്രതികൂടി പിടിയിലായി. 27 മത്തെ പ്രതി ആദർശ് ആണ് പിടിയിലായത്. ചെന്നൈ വിമാനത്താവളത്തിൽ വെച്ചാണ് സന്തോഷ് പിടിയിലായത്. ഇന്ന് രാവിലെ ചെന്നൈ വിമാനത്താവളത്തിൽ വന്നിറങ്ങിയപ്പോഴാണ് അറസ്റ്റിലായത്. എസ്എഫ്ഐയുടെ ചാല ഏരിയ കമ്മിറ്റി അംഗമാണ് ആദർശ് . ഇഡി ഉദ്യോഗസ്ഥരുടെ വാഹനവും ഉദ്യോഗസ്ഥരെയും ആക്രമിക്കുന്നത് ദൃശ്യങ്ങളിൽ ഉണ്ട്. ആദർശ് , പാളയം സന്തോഷ് എന്നീ രണ്ട് പ്രതികൾ ആക്രമിക്കുന്നത് ദൃശ്യങ്ങളിൽ വ്യക്തമായിരുന്നു. എന്നാൽ ഇവർ രണ്ടുപേരെയും ഇതുവരെയും പിടികൂടാൻ കഴിഞ്ഞിരുന്നില്ല. വിദേശത്തേക്ക് കടന്നു കളയുകയായിരുന്നു. ഇപ്പോൾ ആദർശിനെയാണ് ചെന്നൈയിൽ വച്ച് പിടിയിലായിരിക്കുന്നത്. സിപിഎമ്മിന്റെ പാളയത്തുള്ള നേതാവാണ് സന്തോഷ്. സന്തോഷിനെ ഇതുവരെയും പിടികൂടാൻ കഴിഞ്ഞിട്ടില്ല.