മൂവാറ്റുപുഴ നിയോജകമണ്ഡലത്തിലെ ആയവന ഗ്രാമപഞ്ചായത്തിലെ ഒന്നാം വാർഡായ പുന്നമറ്റത്താണ് ലീഗ് പ്രവർത്തകരുടെ പ്രതിഷേധം. പുന്നമറ്റം മുസ്ലിംലീഗ് ശാഖാകമ്മിറ്റി UDF ന് അഭിവാദ്യങ്ങൾ അർപ്പിച്ച് ഫ്ലെക്സ് സ്ഥാപിച്ചിരുന്നു. ഈ ഫ്ലെക്സിൽ നിന്നും മാത്യു കുഴൽനാടന്റെ ചിത്രം വെട്ടിമാറ്റുകയും കത്തിച്ചുകളയുകയും ആണ് ഉണ്ടായത്.
കോൺഗ്രസിന്റെ മുഖ്യമന്ത്രി ആരാകണമെന്ന് മുസ്ലിം ലീഗ് അഭിപ്രായം രേഖപ്പെടുത്തിയിരുന്നു. വി ഡി സതീശൻ മുഖ്യമന്ത്രിയാകണം എല്ലാ പൊതു വികാരം ലീഗ് പ്രകടിപ്പിച്ചിരുന്നു. ലീഗിന്റെ ഈ നിലപാടിനെ വിമർശിച്ച് ശക്തമായ ഭാഷയിലാണ് മാത്യു കുഴൽനാടൻ മറുപടി നൽകിയത് . അതിൽ വരമ്പുകൾ ലംഘിക്കരുതെന്നും കോൺഗ്രസിന്റെ ആഭ്യന്തര വിഷയത്തിൽ ഘടകകക്ഷികൾ അഭിപ്രായം പറയേണ്ടതില്ല എന്നും മാത്യു കുഴൽനാടൻ മുന്നറിയിപ്പ് നൽകിയിരുന്നു. ഇതിനോടുള്ള പ്രതിഷേധമായാണ് കുഴൽനാടൻറെ ഫ്ലക്സിൽ ലീഗ് പ്രവർത്തകർ കരി ഓയിൽ ഒഴിച്ചത്.
