ഇടുക്കി: നെടുങ്കണ്ടം പച്ചടിയിൽ ഇരട്ട കൊലപാതകമെന്ന് സംശയം. പൊലീസ് നടത്തിയ പരിശോധനയിൽ ശരീരഭാഗങ്ങൾ കണ്ടെടുത്തു. സ്ത്രീയുടെയും പുരുഷനെയും മൃതദേഹങ്ങൾ കണ്ടെത്തി. പച്ചടി സ്വദേശി മേരിക്കുട്ടിയുടെ വീട്ടുവളപ്പിലാണ് ശരീരഭാഗങ്ങള് കണ്ടെത്തിയത്.
പച്ചടി പൊന്നുട്ടയിൽ മേരിക്കുട്ടി (70), റെജി (48) എന്നിവരെ ഈ മാസം രണ്ട് മുതൽ കാണാതായിരുന്നു. ഇതിനെ തുടർന്ന് പൊലീസ് നടത്തിയ പരിശോധനയിലാണ് ശരീരഭാഗങ്ങൾ കണ്ടെടുത്തത്. ഇരുവരെയും കൊന്നു കുഴിച്ചു മൂടിയതാണോയെന്നാണ് സംശയിക്കുന്നത്.
ഫോറൻസിക് എത്തിയശേഷം കൂടുതൽ പരിശോധന നടത്തും. ഇന്നലെ പൊലീസ് സ്ഥലത്തെത്തിയപ്പോൾ പ്രതിയെന്ന് സംശയിക്കുന്ന സഹോദരൻ ഓടി രക്ഷപ്പെട്ടിരുന്നു.
