തിരുവനന്തപുരം: ആസൂത്രണ ബോർഡ് പരീക്ഷ ക്രമക്കേടുമായി ബന്ധപ്പെട്ട് ക്രൈംബ്രാഞ്ച് അന്വേഷണവുമായി സഹകരിക്കുന്നതിൽ പിഎസ്സിയിൽ വൻ കലഹം. എസ്ഐടിക്ക് മുന്നിൽ കമ്മീഷൻ അംഗങ്ങൾ ഹാജരായത് ചെയർമാന്റെ നിർദ്ദേശം തള്ളി.
അന്വേഷണ സംഘത്തിന് മുന്നിൽ ഹാജരാകേണ്ടതില്ല എന്നും അപ്പീൽ പോകാമെന്നുമായിരുന്നു ചെയർമാൻ്റെ നിർദ്ദേശം . മടിയിൽ കനം ഇല്ലാത്തതിനാൽ അന്വേഷണത്തെ തങ്ങൾ ഭയക്കുന്നില്ല എന്ന് കമ്മീഷൻ അംഗങ്ങൾ ചൂണ്ടിക്കാട്ടുന്നു.
കേസ് റദ്ദാക്കണമെന്ന് ഹൈക്കോടതിയോട് ആവശ്യപ്പെട്ടത് കമീഷനില്‍ ആലോചിക്കാതെയെന്നും വിവരം പുറത്ത്. അതേസമയം ചെയർമാന്റെ താല്പര്യം അംഗങ്ങളില്‍ അടിച്ചേല്‍പ്പിക്കാന്‍ ശ്രമിക്കുന്നുവെന്നും അംഗങ്ങൾ ആരോപിക്കുന്നു
