കൊച്ചി: രമേശ് പിഷാരടി വിളിച്ചാല് പ്രചാരണത്തിന് പോകുമെന്ന് നടന് ആസിഫ് അലി. പിഷാരടിയുടെ സ്ഥാനാര്ഥിത്വം വളരെ ആകാംക്ഷയോടെയാണ് നോക്കിക്കാണുന്നതെന്നും തെരഞ്ഞടുപ്പ് പ്രചാരണത്തിനായി നിരവധി പേര് തന്നെ വിളിക്കുന്നുണ്ടെന്നും കൊച്ചി കലൂര് സ്റ്റേഡിയത്തില് ഈദ് ഗാഹില് പങ്കെടുത്ത ശേഷം ആസിഫ് അലി പ്രതികരിച്ചു.
ഒരുപാട് നാളായിട്ട് അറിയാവുന്ന ആളാണ് പിഷാരടി. വളരെ നന്നായി സംസാരിക്കുന്ന അദ്ദേഹത്തിന്റെ രാഷ്ട്രീയ സ്റ്റാന്ഡിനെ കുറിച്ചും നന്നായിട്ട് അറിയാം. പിഷാരടി വിളിച്ചാല് പ്രചാരണത്തിന് പോകും. പിഷാരടിയുടെ സ്ഥാനാര്ഥിത്വം വളരെ ആകാംക്ഷയോടെയാണ് നോക്കിക്കാണുന്നത്. വളരെ സീരിയസ് ആയ, വളരെ പക്വതയോടെയുള്ള തെരഞ്ഞെടുപ്പ് പ്രചാരണമാണ് പിഷാരടി ഉന്നം വയ്ക്കുന്നതെന്നും ആസിഫ് അലി പറഞ്ഞു.
ഒത്തിരി പ്രിയപ്പെട്ടവര് തെരഞ്ഞെടുപ്പില് മത്സരിക്കുന്നുണ്ട്. തെരഞ്ഞെടുപ്പ് പ്രചാരണത്തിനായി അവരൊക്കെയും വിളിക്കുന്നുണ്ട്. വളരെ ആകാംക്ഷ തരുന്നൊരു തെരഞ്ഞെടുപ്പ് പ്രചാരണമാണ് ആരംഭിച്ചിട്ടുള്ളത് . എന്റെ സഹപ്രവര്ത്തകര് ആയതിനാല് എല്ലാവരുടെയും കൂടെ പ്രചാരണത്തിന് നില്ക്കണമെന്നുണ്ട്. രാഷ്ട്രീയത്തേക്കാള് ഉപരി ആളുകളുടെ സ്വഭാവം നോക്കിയാണ് ഇത്രയും നാളും പിന്തുണയ്ക്കാനും പ്രചാരണത്തിനും പോയത്.
എനിക്ക് വ്യക്തിപരമായി ഇഷ്ടമുള്ള ആളുകള്ക്കായി പ്രചാരണത്തിന് പോകണമെന്നാണ് ആഗ്രഹമെന്നും ആസിഫ് അലി പറഞ്ഞു.
