നിക്ഷേപ വിവരങ്ങൾ ആന്ധ്രയ്ക്ക് ചോർത്തി; തമിഴ്‌നാട്ടിൽ 15 ഉദ്യോഗസ്ഥരെ സർക്കാർ പിരിച്ചുവിട്ടു

insight kerala

തമിഴ്‌നാട്ടിലെ നിക്ഷേപ പ്രോത്സാഹന ഏജൻസിയായ ഗൈഡൻസിലെ 15 ഉദ്യോഗസ്ഥരെ സർക്കാർ പിരിച്ചുവിട്ടു. സംസ്ഥാനത്തെ രഹസ്യ നിക്ഷേപ വിവരങ്ങൾ ആന്ധ്രാപ്രദേശിന് ചോർത്തിയെന്ന ആരോപണത്തെ തുടർന്നാണ് നടപടി. പിരിച്ചുവിട്ടവരിൽ മൂന്ന് പേർ ആന്ധ്രാപ്രദേശ് സർക്കാർ സംവിധാനത്തിൽ പുതിയ ചുമതലകൾ ഏറ്റെടുത്തതായും റിപ്പോർട്ടുകളുണ്ട്.

തമിഴ്‌നാട്ടിലെ വ്യവസായ നിക്ഷേപ പദ്ധതികളുമായി ബന്ധപ്പെട്ട വിവരങ്ങൾ ചോർന്നുവെന്നാണ് ആരോപണം. എന്നാൽ, ആന്ധ്രയിലേക്ക് നിക്ഷേപ പദ്ധതികളൊന്നും നഷ്ടപ്പെട്ടിട്ടില്ലെന്ന് വ്യവസായ മന്ത്രി എസ്. കീർത്തന കഴിഞ്ഞ രണ്ടാഴ്ചയായി വ്യക്തമാക്കിയിരുന്നു.

ഉദ്യോഗസ്ഥരെ പിരിച്ചുവിട്ട നടപടിയിൽ സർക്കാരിനെതിരെ പ്രതിപക്ഷം വിമർശനം ഉന്നയിച്ചു. അതേസമയം, ആന്ധ്രയിലെ വികസനത്തിന് കാരണം മികച്ച അടിസ്ഥാന സൗകര്യങ്ങളും ഭരണസംവിധാനവുമാണെന്നും വിവരങ്ങൾ ചോർത്തിയെന്ന ആരോപണം അടിസ്ഥാനരഹിതമാണെന്നും തെലുഗുദേശം പാർട്ടി പ്രതികരിച്ചു.

ഇൻസൈറ്റ് കേരളയുടെ ഏറ്റവും പുതിയ വാർത്തകൾ ആദ്യം ലഭിക്കാൻ ഔദ്യോഗിക വാട്ട്‌സാപ്പ് ചാനലിൽ അംഗമാകുക... ലിങ്ക് ക്ലിക്ക് ചെയ്യുക..
insight keralainsight kerala

സംഭവത്തിൽ സ്വതന്ത്ര അന്വേഷണം വേണമെന്ന് ബിജെപി തമിഴ്‌നാട് വക്താവ് നാരായണൻ തിരുപ്പതി ആവശ്യപ്പെട്ടു. നിക്ഷേപ ചർച്ചകളുടെ രഹസ്യസ്വഭാവം പോലും സംരക്ഷിക്കാൻ കഴിയാത്ത സാഹചര്യമാണിതെന്നും അദ്ദേഹം വിമർശിച്ചു.

Share This Article