ആസൂത്രണ ബോർഡ് ക്രമക്കേട്; പി എസ് സി അംഗങ്ങളെ ക്രൈംബ്രാഞ്ച് ചോദ്യം ചെയ്യുന്നു

തിരുവനന്തപുരം: ആസൂത്രണ ബോർഡ് ചീഫ് തസ്തികയിലേക്ക് നടത്തിയ പരീക്ഷ ക്രമക്കേടിൽ പി എസ് സി അംഗങ്ങളെ ക്രൈം ബ്രാഞ്ച് സംഘം ചോദ്യം ചെയ്യുന്നു. എസ് ശ്രീകുമാർ, എസ് എ സെയ്ഫ്, സ്റ്റാനി തോമസ് എന്നിവരെയാണ് ചോദ്യം ചെയ്യുന്നത്. നിയമന ക്രമക്കേടും ഉന്നതതല ഗൂഢാലോചന നടന്നിട്ടുണ്ടോയെന്നാണ് അന്വേഷിക്കുന്നത്. ചോദ്യം ചെയ്യലിനായി ക്രൈംബ്രാഞ്ച് ആസ്ഥാനത്ത് ഹാജരാകണമെന്ന് അന്വേഷണസംഘം ആവശ്യപ്പെട്ടിട്ടും പിഎസ്‌സി അംഗങ്ങൾ തയ്യാറായിരുന്നില്ല. ഹൈക്കോടതിയിൽ നിയമ പോരാട്ടം തുടരുന്നതിനിടെയാണ് എസ്ഐടിയുടെ ആവശ്യപ്രകാരം മൊഴി നൽകാൻ ക്രൈംബ്രാഞ്ച് ആസ്ഥാനത്ത് അംഗങ്ങൾ എത്തിയത്. പിഎസ്‌സിയുടെ കൂടുതൽ അംഗങ്ങളെ നാളെയും ചോദ്യം ചെയ്യും. പിഎസ്‌സി ചെയർമാൻ എം ആർ ബൈജുവിനോട് മറ്റന്നാൾ ഹാജരാകാനാണ് ആവശ്യപ്പെട്ടിരിക്കുന്നത്.