ഗുരുവായൂരിൽ ഫ്രിഡ്ജ് പൊട്ടിത്തെറിച്ച് കിടപ്പു രോഗികളായ ദമ്പതികൾക്ക് പരിക്ക്

തൃശ്ശൂർ: ഗുരുവായൂരിൽ ഫ്രിഡ്ജ് പൊട്ടിത്തെറിച്ച് രണ്ടുപേർക്ക് പരിക്ക് . കിടപ്പു രോഗികളായ ദമ്പതികൾക്കാണ് പരിക്കേറ്റത്.
പാർത്ഥസാരഥി അമ്പലത്തിനു സമീപമുള്ള വീട്ടിൽ കഴിഞ്ഞദിവസം രാത്രി 12 മണിക്കാണ് സംഭവം. 67 വയസ്സുള്ള അംബിക, 76 വയസ്സുള്ള കുട്ടപ്പൻ എന്നിവർക്കാണ് പരിക്കേറ്റത്. ഉഗ്രശബ്ദത്തോടെ വീട്ടിലെ ഫ്രിഡ്ജ് പൊട്ടിത്തെറിക്കുകയായിരുന്നു. പൊട്ടിത്തെറിയുടെ ആഘാതത്തിൽ ആ സമയം വീട്ടിലുണ്ടായിരുന്ന ഇരുവർക്കും പരിക്കേറ്റു. പൊള്ളലേൽക്കുകയും പുകപടലം ശ്വസിച്ചതിനെ തുടർന്ന് ദേഹാസ്വാസ്ഥ്യം അനുഭവപ്പെടുകയും ആയിരുന്നു. തുടർന്ന് ആംബുലൻസ് പ്രവർത്തകരുടെ സഹായത്തോടെ ഇവരെ ചാവക്കാട് സ്വകാര്യയിലേക്ക് മാറ്റി. ഇവരുടെയും പരിക്ക് ഗുരുതരമല്ല. ഫ്രിഡ്ജിൽ നിന്നുള്ള ഷോർട്ട് സർക്യൂട്ട് ആകാം അപകടകാരണമെന്ന് സംശയിക്കുന്നു.