സിപിഎം തിരുവനന്തപുരം ജില്ലാ സെക്രട്ടറിയായി വി.ജോയി എംഎൽഎ തുടരും. ജില്ലയിൽ നിന്നുളള സംസ്ഥാന സമിതി അംഗങ്ങളുടെ യോഗത്തിലാണ് ധാരണ. നാളെ നടക്കുന്ന ജില്ലാ കമ്മിറ്റിയിൽ സംസ്ഥാന സെൻറർ വി.ജോയിയുടെ പേര് നിർദ്ദേശിക്കും. സിപിഎം തിരുവനന്തപുരം ജില്ലാ സെക്രട്ടറിയെ തീരുമാനിക്കാൻ ജില്ലയിലെ നേതാക്കളുമായി സംസ്ഥാന സെക്രട്ടറി എംവി ഗോവിന്ദൻ ചർച്ച നടത്തിയിരുന്നു. എകെജി സെന്ററിൽ നടക്കുന്ന ചർച്ചയിൽ പ്രതിപക്ഷ നേതാവ് പിണറായി വിജയനും പങ്കെടുത്തിരുന്നു.
നിയമസഭാ തിരഞ്ഞെടുപ്പിൽ മത്സരിച്ചതിനെ തുടർന്ന് വി.ജോയിയെ ജില്ലാ സെക്രട്ടറി സ്ഥാനത്ത് നിന്ന് താൽക്കാലികമായി മാറ്റിയിരുന്നു. ജില്ലാ സെക്രട്ടറിയായിരുന്ന വി.ജോയി വർക്കലയിൽ വീണ്ടും മത്സരിക്കാൻ പോയപ്പോഴാണ് സംസ്ഥാന കമ്മിറ്റി അംഗമായ എ.എ.റഹീമിന് ജില്ലാ സെക്രട്ടറിയുടെ താൽക്കാലിക ചുമതല നൽകിയിരുന്നു.
സിഐടിയു സംസ്ഥാന സെക്രട്ടറി കെ എസ് സുനിൽകുമാർ ജില്ലാ സെക്രട്ടറി ആകാൻ നീക്കം നടത്തിയിരുന്നു. സംസ്ഥാന നേതൃത്വത്തെ ജില്ലാ ഘടകം വഴി സ്വാധീനിച്ച് വി ജോയിയെ മാറ്റാൻ ശ്രമിച്ചിരുന്നു. ജില്ലാ ഘടകത്തിൽ കടകംപള്ളി സുരേന്ദ്രന്റെയും വി ശിവൻകുട്ടിയുടെയും പിന്തുണ കെ എസ് സുനിൽകുമാറിനായിരുന്നു. എന്നാൽ സംസ്ഥാന നേതൃത്വം വി ജോയിയെ പിന്തുണച്ചു. ഇതോടെ ജോയി തുടർന്നാൽ മതിയെന്ന് തീരുമാനമായി.
