തിരുവനന്തപുരം: താൻ ക്യാൻസർ ബാധിതനായി ചികിത്സയിലാണെന്ന വെളിപ്പെടുത്തലുമായി ISRO (Indian Space Research Organisation) മേധാവി എസ് സോമനാഥ്. ഇന്ത്യയുടെ സൂര്യ പര്യവേക്ഷണ ദൗത്യമായ ആദിത്യ എൽ-1 വിക്ഷേപണം നടത്തിയ ദിവസമാണ് രോഗം സ്ഥിരീകരിച്ചതെന്ന് തർമക് മീഡിയ ഹൗസിന് നൽകിയ അഭിമുഖത്തിൽ അദ്ദേഹം പറഞ്ഞു.
സ്കാനിംഗിൽ വയറ്റിലാണ് ക്യാൻസർ ബാധ കണ്ടെത്തിയത്. ചന്ദ്രയാൻ 3 ദൗത്യം നടക്കുന്ന വേളയിലാണ് ആരോഗ്യ പ്രശ്നങ്ങൾ ഉണ്ടായത്. ആ ഘട്ടത്തിൽ അത് വ്യക്തമായിരുന്നില്ല. തനിക്കും കുടുംബത്തിനും ഇത് വലിയ ഞെട്ടലുണ്ടാക്കി. കീമോ തെറാപ്പി ചികിത്സയ്ക്ക് വിധേയനായി. പൂർണമായ രോഗമുക്തി സാധ്യമാണോ എന്നത് നിശ്ചയമല്ല. പരിശോധനകൾ നിരന്തരം നടത്തിവരികയാണ് – സോമനാഥ് പറഞ്ഞു.
‘അര്ബുദബാധ കണ്ടെത്തിയതിനെ തുടര്പരിശോധനകള്ക്കായി ചെന്നൈയിലേക്ക് പോയി. നാല് ദിവസം ആശുപത്രിയില് ചികിത്സയിലായിരുന്നു. എന്നാല് അഞ്ചാം ദിനം മുതല് ജോലിയിലേക്ക് പ്രവേശിച്ചു.
കീമോതെറാപ്പി ചികിത്സയ്ക്ക് വിധേയനായി. ഇപ്പോള് എന്റെ ജോലികള് തുടരുകയാണ്.എങ്കിലും പരിശോധനകള് തുടരുന്നുണ്ട്- അദ്ദേഹം കൂട്ടിച്ചേര്ത്തു.
