കോഴിക്കോട് ഹ്യൂണ്ടായി ഷോറൂമിലേക്ക് നാലംഗ സംഘം കാർ ഇടിച്ചു കയറ്റി

insight kerala

കോഴിക്കോട് പുതിയറയിലെ ആപ്കോ ഹ്യൂണ്ടായി ഷോറൂമിലേക്ക് നാലംഗ സംഘം കാർ ഇടിച്ചു കയറ്റി. കാർ വാങ്ങാനെത്തിയ ഉപഭോക്താക്കളും ഷോറൂമിലെ ജീവനക്കാരും അകത്തുണ്ടായിരുന്ന സമയത്താണ് കാർ ഉള്ളിലേക്ക് ഇരച്ചെത്തിയത്. കാർ പാഞ്ഞടുക്കുന്നത് കണ്ട് ഉള്ളിലുണ്ടായിരുന്നവർ പെട്ടെന്ന് ഓടി മാറിയതിനാൽ വൻ ദുരന്തം ഒഴിവാകുകയായിരുന്നു. അപകടത്തിന് പിന്നാലെ കാറിലുണ്ടായിരുന്നവർ ജീവനക്കാർക്ക് നേരെ ആക്രമണം നടത്തുകയും രണ്ടുപേർക്ക് പരിക്കേൽക്കുകയും ചെയ്തു. മൂന്നു പേർ സംഭവസ്ഥലത്തുനിന്ന് ഓടി രക്ഷപ്പെട്ടെങ്കിലും ഒരാളെ ഷോറൂം ജീവനക്കാർ ചേർന്ന് പിടികൂടി പോലീസിൽ ഏൽപ്പിച്ചു.

Share This Article