തിരുവനന്തപുരം: ആഭ്യന്തരമന്ത്രി രമേശ് ചെന്നിത്തലയുടെ ഉത്തരവിലൂടെ കാലാവധിതീരാന് കേവലം ദിവസങ്ങള് മാത്രമുള്ള സബ് ഇന്സ്പക്ടര് റാങ്ക് ലിസ്റ്റില്പ്പെടുന്ന 43 പേര്ക്ക് നിയമനം ലഭ്യമാക്കാന് ആഭ്യന്തര വകുപ്പ് അഡീഷണല് ചീഫ് സെക്രട്ടറിക്ക് ആഭ്യന്തരമന്ത്രി രമേശ് ചെന്നിത്തല നിര്ദേശം നല്കി.
2025 ജൂണ്മാസം ഒമ്പതിനാണ് പിഎസ്എസി നടത്തിയ സബ് ഇന്സ്പ്ക്ടര് പരീക്ഷയുടെ റാങ്ക് ലിസ്റ്റ് പ്രസിദ്ധീകരിച്ചത്. 2026 ജൂണ് ഒമ്പതിന് ഈ ലിസ്റ്റിന്റെ കാലാവധി അവസാനിക്കുകയാണ്. ഇതോടെ ഇവര്ക്ക് ജോലി ലഭിക്കാനുള്ള അവസരം നഷ്ടപ്പെടുന്ന അവസ്ഥയുണ്ടായി. പിഎസ് എസി റാങ്ക് ലിസ്റ്റുകളടെ കാലാവധി സര്ക്കാര് നീട്ടിയെങ്കിലും ഇവര്ക്ക് ഈ ഉത്തരവ് ബാധകമല്ലാതെ വന്നു. ഇതോടെയാണ് ഉദ്യോഗാര്ത്ഥികള് ആഭ്യന്തര മന്ത്രി രമേശ് ചെന്നിത്തലയെ സമീപിച്ച്് തങ്ങളുടെ അവസ്ഥ പങ്കുവച്ചത്. ഇവര് നല്കിയ പരാതിയില് അടിയന്തിര നടപടിയുണ്ടാകണമെന്നും ഉദ്യോഗാര്ത്ഥികള്ക്ക് ജോലി നഷ്ടപ്പെടുന്ന സാഹചര്യം ഉണ്ടാകരുതെന്നും രമേശ് ചെന്നിത്തല ആഭ്യന്തര വകുപ്പിന് നിര്ദ്ദേശം നല്കി.
അര്ഹതപ്പെട്ട ഒരാളുടെയും ജോലി നഷ്ടപ്പെടില്ലന്ന് ആഭ്യന്തര മന്ത്രി ഉദ്യോഗാര്ത്ഥികള്ക്ക് ഉറപ്പു നല്കി ഇതേ തുടര്ന്നാണ് 43 ഉദ്യോഗാര്ത്ഥികള്ക്ക് സബ് ഇന്സ്പക്ടര് തസ്തികയില് നിയമനം ലഭിക്കാനുള്ള സാഹചര്യമുണ്ടായത്.
