ബിനാലെയുടെ ഔട്ട്റീച്ച് പ്രോഗ്രാമായ കല,കാലം , കലാപം എന്ന പരമ്പരയുടെ ഭാഗമായി വയനാടിന്റെ വായനകൾ എന്ന പേരിൽ പരിസ്ഥിതി പ്രമേയമാക്കി ചലച്ചിത്രോത്സവവും സെമിനാറും സംഘടിപ്പിക്കുന്നു. ഈ പരിപാടി പ്രശസ്ത biennale യുടെ ഭാഗമായാണ് നടക്കുന്നത്.ഫെബ്രുവരി 11, 12 ,13 തീയതികളിൽ കൽപ്പറ്റ ജൈത്ര സിനിമാസിലാണ് കേളി രാമചന്ദ്രൻ ക്യൂറേറ്റ് ചെയ്യുന്ന പരിപാടി അരങ്ങേറുക.
ഭക്ഷണം -യാത്ര – പ്രകൃതി എന്നിവ അടിസ്ഥാനമാക്കി തയ്യാറാക്കുന്ന ഗവേഷണ പ്രബന്ധങ്ങൾ സെമിനാറിൽ അവതരിപ്പിക്കും. പരമ്പരയുടെ പ്രചാരണാർത്ഥം ജില്ലയിലെ പ്രധാന കോളേജ് ക്യാമ്പസുകളിൽ പ്രത്യേക പരിപാടികളും സംഘടിപ്പിക്കും. ദേശീയ പുരസ്കാരം നേടിയ എം. കെ രാമദാസിന്റെ ‘ നെകൽ
ക്രോണിക്കിൾ ഓഫ് ദി പാഡി മാൻ’ ആണ് ചലച്ചിത്രോത്സവത്തിലെ ആദ്യ ചിത്രം,രണ്ടാം ദിനത്തിൽ നിങ്ങൾ അരണയെ കണ്ടോ? ,മൂന്നാം ദിവസം ജലമുദ്ര എന്നീ സിനിമകളും പ്രദർശിപ്പിക്കും.കൊച്ചി മുസിരിസ് ബിനാലെ അനുഭവം ഇനി വയനാടിനും
