തിരുവനന്തപുരം: കേരളത്തിലെ ഒരു ക്യാമ്പസിലും ഗവര്ണറെ കാലുകുത്തിക്കില്ലെന്ന എസ്.എഫ്.ഐയുടെ വെല്ലുവിളി ഏറ്റെടുത്ത് ഗവര്ണര് ആരിഫ് മുഹമ്മദ് ഖാന്. ഡിസംബര് 18നു കോഴിക്കോട് സര്വകലാശാല സെമിനാര് കോംപ്ലക്സില് നടക്കുന്ന സനാതന ധര്മപീഠത്തിന്റെ സെമിനാറില് ഗവര്ണര് പങ്കെടുക്കും.
ഡിസംബര് 16 മുതല് 18 വരെ കോഴിക്കോട് സര്വകലാശാല ഗസ്റ്റ് ഹൗസില് താമസിക്കാനാണ് ഗവര്ണര് തീരുമാനിച്ചിരിക്കുന്നത്. കോഴിക്കോട്ടെ സര്ക്കാര് ഗസ്റ്റ് ഹൗസ് ഒഴിവാക്കിയാണ് കാലിക്കട്ട് ക്യാമ്പസിനുള്ളിലെ ഗസ്റ്റ് ഹൗസിലേക്ക് താമസം മാറ്റിയത്.
മുഖ്യമന്ത്രി പിണറായി വിജയന്റെ അറിവോടെയാണ് തനിക്കു നേരെയുള്ള എസ്.എഫ്.ഐയുടെ പ്രതിഷേധം നടന്നതെന്ന ഗവര്ണറുടെ ആരോപണം നിലനില്ക്കുന്നതിനിടെ സര്വകലാശാലയില് നടക്കുന്ന പരിപാടിയില് പങ്കെടുക്കാനും സര്വകലാശാല ഗസ്റ്റ് ഹൗസില് രാത്രിയടക്കം താമസിക്കാനുമുള്ള ഗവര്ണറുടെ തീരുമാനം.
ഗവര്ണറെ കേരളത്തിലെ ക്യാമ്പസുകളില് കാലുകുത്താന് അനുവദിക്കില്ലെന്നായിരുന്നു എസ്.എഫ്.ഐ സംസ്ഥാന സെക്രട്ടറി പി.എം. ആര്ഷോ വെല്ലുവിളിച്ചത്.
- ആശ്വാസം! ഇന്ന് പവർകട്ട് ഉണ്ടാകില്ല; 1024 മെഗാവാട്ട് ലഭിച്ചു
- ‘പ്രസംഗിക്കുമ്പോൾ കറണ്ട് പോയത് മനപ്പൂർവ്വം ആണോ എന്ന് അന്വേഷിക്കും’; സണ്ണി ജോസഫ്
- “മാവിൽ കല്ലെറിയാൻ ഉന്നം ഉണ്ടായിരുന്നു; അതാണ് രാഷ്ട്രീയത്തിൽ പിടിച്ചുനിർത്തുന്നത്”; പൂർവ്വ വിദ്യാർത്ഥി സംഗമത്തിൽ മുഖ്യമന്ത്രി
- സിപിഎം നേതാവ് ബേബി ജോൺ അന്തരിച്ചു
- അഞ്ച് ജില്ലാ കമ്മിറ്റികളിലാണ് പ്രതീക്ഷ; ശക്തമായ വിമർശനം ഇവർ മാത്രമേ പറയുകയുള്ളൂ
