ന്യൂഡൽഹി: ഇറാനിൽ ഇസ്രായേലും യുഎസും സംയുക്തമായി ആക്രമണം നടത്തിയ പശ്ചാത്തലത്തിൽ ഇസ്രായേലിലെ ഇന്ത്യൻ പൗരന്മാർക്ക് അതീവ ജാഗ്രതാ നിർദേശം നൽകി ഇന്ത്യ. ഇസ്രായേലിലെ പൗരന്മാർ ജാഗ്രത പാലിക്കാൻ ടെൽ അവീവിലെ ഇന്ത്യൻ എംബസി നിർദേശം നൽകി. അനാവശ്യ യാത്ര ഓഴിവാക്കാനും സുരക്ഷിതമായ പ്രദേശത്ത് തുടരാനും അധികൃതർ നിർദേശം നൽകിയിട്ടുണ്ട്.
മേഖലയിലെ നിലവിലുള്ള സുരക്ഷാ സാഹചര്യം കണക്കിലെടുത്ത് ഇസ്രായേലിലെ എല്ലാ ഇന്ത്യൻ പൗരന്മാരും അതീവ ജാഗ്രത പാലിക്കണമെന്നാണ് എംബസിയുടെ നിർദേശം. ഇസ്രായേലി അധികൃതരും ഉദ്യോഗസ്ഥരും പുറപ്പെടുവിച്ച സുരക്ഷാ മാർഗനിർദേശങ്ങളും നിർദേശങ്ങളും കർശനമായി പാലിക്കണമെന്ന് എംബസി ഇന്ത്യൻ പൗരന്മാരോട് ആവശ്യപ്പെട്ടു.
