എൻവിഡിയ മുൻ സിഇഒ ജെൻസൻ ഹുവാങിനെ വീണ്ടും കമ്പനിയുടെ തലപ്പത്തേക്ക് കൊണ്ടുവരുമോ ? അത്തരം ചർച്ചകൾ സജീവമായി നടക്കുന്നു എന്നാണ് പുറത്തുവരുന്ന റിപ്പോർട്ടുകൾ. ഹുവാങ്ങിനെ വീണ്ടും കമ്പനിയുടെ തലപ്പത്ത് കൊണ്ടുവരണമെന്ന ആവശ്യത്തിന് പിന്തുണയുമായി ടെസ്‌ല, സ്‌പേസ് എക്‌സ് മേധാവി ഇലോൺ മസ്‌ക് രംഗത്ത് വന്നതോടെയാണ് ചർച്ചകൾക്ക് ഊർജ്ജം കൈവരിച്ചത്. ഹുവാങിനെ തിരിച്ചുകൊണ്ടുവരാൻ ആരംഭിച്ചിട്ടുള്ള സമ്മതപത്രത്തിൽ താൻ ഒപ്പുവെക്കുമെന്നും ഇലോൺ മസ്‌ക് വ്യക്തമാക്കി.
ഹുവാങിനെ വീണ്ടും നിയമിക്കാൻ അവസരം ലഭിച്ചാൽ അതൊരു ബഹുമതിയായിരിക്കുമെന്ന് മസ്‌ക് എക്‌സിലൂടെ പ്രതികരിച്ചു. എൻവിഡിയ സഹസ്ഥാപകനെക്കുറിച്ചുള്ള മസ്കിന്റെ ഈ പരാമർശങ്ങൾ ടെക് ലോകത്ത് പുതിയ ചർച്ചകൾക്ക് വഴിവെച്ചിരിക്കുകയാണ്.
33 വർഷത്തെ നേതൃത്വത്തിന് വിരാമമിട്ട് ഏതാനും ദിവസങ്ങൾക്ക് മുമ്പാണ് ജെൻസൻ ഹുവാങ് എൻവിഡിയയുടെ പ്രസിഡന്റും സിഇഒയുമായ സ്ഥാനങ്ങൾ രാജിവെച്ചത്. ഇതിന് പിന്നാലെ പുതിയ സിഇഒയെ കണ്ടെത്താനുള്ള നീക്കത്തിലാണ് കമ്പനിയുടെ ഡയറക്ടർ ബോർഡ്. ആംഡ് ഹോൾഡിങ്‌സ് സിഇഒ റെനെ ഹാസ് ഉൾപ്പെടെയുള്ളവരുടെ പേരുകൾ പിൻഗാമി സ്ഥാനത്തേക്ക് പരിഗണിക്കുന്നതായാണ് റിപ്പോർട്ടുകൾ.
ഹ
