തിരുവനന്തപുരം: കേരളത്തിൽ നിന്നുള്ള ട്രെയിൻ യാത്രക്കാർക്ക് പ്രധാന അറിയിപ്പ്. തിരുവനന്തപുരം നോർത്ത് (കൊച്ചുവേളി) – കോർബ സൂപ്പർഫാസ്റ്റ് എക്സ്പ്രസ് (Train No. 22648) നാളെ (03.11.2025) പുറപ്പെടുന്ന സമയത്തിൽ മാറ്റം വരുത്തിയതായി റെയിൽവേ അറിയിച്ചു.
ട്രെയിനിന്റെ ‘പെയറിംഗ് ട്രെയിൻ’ വൈകിയോടുന്നതിനാലാണ് യാത്രാ സമയം പുനഃക്രമീകരിച്ചിരിക്കുന്നത്. ട്രെയിൻ ഏകദേശം 2 മണിക്കൂർ വൈകിയാണ് സർവീസ് ആരംഭിക്കുക.
പുതിയ സമയക്രമം
2025 നവംബർ 3-ന് (തിങ്കളാഴ്ച) രാവിലെ 06.15-ന് തിരുവനന്തപുരം നോർത്തിൽ നിന്ന് പുറപ്പെടേണ്ട ട്രെയിൻ നമ്പർ 22648 കോർബ സൂപ്പർഫാസ്റ്റ് എക്സ്പ്രസ്, പുതുക്കിയ സമയമനുസരിച്ച് അന്നേ ദിവസം രാവിലെ 08.15-ന് ആയിരിക്കും യാത്ര പുറപ്പെടുക.
ട്രെയിനിന്റെ പുറപ്പെടുന്ന സമയത്തിൽ വന്ന ഈ 2 മണിക്കൂർ മാറ്റം യാത്രക്കാർ ശ്രദ്ധിക്കണം. യാത്രക്കാർ സമയമാറ്റം മനസ്സിലാക്കി അതനുസരിച്ച് സ്റ്റേഷനിൽ എത്തണമെന്ന് റെയിൽവേ വൃത്തങ്ങൾ നിർദ്ദേശിച്ചു.
